بحاول أوصف احساسي تجاهك وانثر الامطار
بحاول.. بس يا الغاليه شعوري صعب تفسيره
انا من يومني ولد صغير والقلوب كبار
بلاني ربي بحبك , وعشت بعالم الحيره
أنا من يومني طفل وانا لي بالهوى تذكار
عشقتك من صغر سني , يا زين الوصف والسيره
صحيح اني صغير حيل , ومن حولي أولاد صغار
صحيح همومنا لعبه , وكل أحلامنا صغيره
طموح الولد في عمري , كوره ودراجه
وانا كل اهتماماتي , عيونك يانور الديره
[في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكير
أنا ما همني درسي .. ولا هموني الشطار
تجاهلت الفصل كله .. عباراته .. طباشيره
كتبت اسمك على هاك الدفاتر يالغلا تكرار
رسمت قلوب ورديه , سكنها انتي من غيره ؟
الا ياليتني رجل , يعرف ينظم الاشعار
يمين الله لأكتب لك قصايد تفضح الغيره
كبرت اليوم يا الغاليه وزاد بقلبي الاصرار
على حبك , وحب اللي يحبك فاق تعبيره !
جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره
فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !
جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره
تأشرّ باصبعك للشيء , تلقى مطلبك قد صار
فخور لو أجيبه لك يا سيدة القلب يا أميره
تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره
متى ألقى مراسي اليم , ويلطف فيني الاقدار
الآ يا بختي بشوفه , الآ ياليتني اجيره !
انا من لامني بحبك , عساه لقصرة الاعمار
تلوموني على شخص(ن) , حلاه احلى من الشيره ؟
قالوا لي تحبها ؟ وقلت ان الحروف كثار
أحبه واعشقه واهواه, ولا أرضى بتغييره
شجاعه , بس لا شفتك , كياني يا بعدي ينهار
قوي , لكن قبالك , شعوري صعب تظهيره
الى مني تباطيت , تولّع في حشاي النار
تزوّد جرعة الاحزان , تزيد القلب تخديره !
واذا يا عيني لاقيتك , يثور بداخلي اعصار
أطير بعالم الفرحه , يقيّدني اساويره
لو انك تدرين بحبك , كم له داخلي مقدار
يطير العقل يا خلي ...كأنك شاربه بيره !!.
الأربعاء ديسمبر 10, 2008 9:53 am
